Fyrir tiltekna bíla sem voru skráðir frá 1. janúar 2021 ber Volkswagen AG lagaleg skylda (samkvæmt 9. gr. framkvæmdarreglugerðar ESB 2021/392) til að safna gögnum um raunverulega eldsneytis-/orkunotkun (OBFCM-gögnum) ásamt verksmiðjunúmerum bíla (VIN) og gefa framkvæmdastjórn Evrópusambandsins skýrslu um þau árlega. Gögnin eru notuð til vöktunar á samræmi prófunargilda og gilda í raunverulegum akstri samkvæmt kröfum Evrópusambandsins.

Sem umráðamaður bíls áttu kost á að neita að gera þessi gögn aðgengileg. Í þessu tilviki söfnum við ekki gögnunum fyrir bílinn þinn og gefum ekki skýrslu um þau.

Ef um vinnslu er að ræða fer hún fram í því skyni að uppfylla lagaskyldu (c-liður 1. mgr. 6. gr. almennu persónuverndarreglugerðarinnar). Þessi neitunarréttur byggist á tilgreindri reglugerð Evrópusambandsins og felur ekki í sér andmæli samkvæmt 21. gr. almennu persónuverndarreglugerðarinnar.

Hvernig tilkynnir þú um neitun¹?
– með rafrænu eyðublaði (mælt með) (Euro 7)²,
– bréfleiðis (Euro 7)²,
– eða í gegnum söluaðila/þjónustuaðila (Euro 6)².

Við staðfestum móttöku tilkynningarinnar skriflega.

Við vinnum eingöngu með OBFCM-gögn og verksmiðjunúmer í ofangreindum tilgangi og aðeins að því marki sem nauðsynlegt er.

Við geymum sönnun á neitun þinni ekki lengur en nauðsynlegt er til að söfnun/skýrslugjöf fyrir bílinn þinn fari ekki fram; að þeim tíma liðnum er henni eytt. Söfnunin getur, allt eftir bíl og ferli, farið fram í tengslum við komu á verkstæði eða (ef viðeigandi tæknibúnaður er fyrir hendi) með þráðlausri sendingu.

¹Fyrir hreina rafbíla frá Volkswagen er upplýsingum um raunverulega orkunotkun sem stendur ekki miðlað til framkvæmdastjórnar Evrópusambandsins í því skyni að uppfylla lögboðna tilkynningaskyldu samkvæmt 9. gr. framkvæmdarreglugerðar (ESB) 2021/392. Af þessum sökum þarf ekki að tilkynna um neitun.

²Upplýsingar um mengunarstaðal fyrir bílinn (Euro 6 eða Euro 7) er að finna í skráningarskjölum hans og í ESB-samræmisvottorði hans (Certificate of Conformity, CoC), tölulið 47.